Aleksandr Mochinov O'zbekiston U-16 bosh murabbiyi vazifasini bajaradi

SHu kungacha terma jamoa bosh murabbiyi vazifasida faoliyat yuritib kelgan Temur Olimxo'jaev sog'lig'i tufayli vaqtinchalik terma jamoa bosh murabbiyi vazifasidan ozod etildi.

Temur Olimxo'jaevning o'rniga mavsum o'rtasigacha Toshkentning Oqtepa klubini boshqarib kelgan mutaxassis Aleksandr Mochinov vaqtinchalik bosh murabbiy etib tayinlandi. SHu kungacha O'zbekiston U-16 o'smirlar terma jamoasi murabbiylar shtabida faoliyat ko'rsatgan murabbiylar safida boshqa o'zgarish bo'lgani yo'q va ular Aleksandr Mochinov bilan o'z faoliyatlarini davom ettiradilar.

O'FF terma jamoalar markazi bergan malumotga ko'ra, Mochinovga 19 iyun kuni boshlanadigan yig'in davomida O'zbekiston U-16 o'smirlar terma jamoasini shug'ullantirish vazifasi yuklatilgan. Eslatib o'tamiz, O'zbekiston U-16 o'smirlar terma jamoasi mazkur yig'in davomida Toshkentda 24 va 27 iyun kunlari Ummon U-16 o'smirlar terma jamoasiga qarshi ikkita o'rtoqlik uchrashuvida maydonga tushadi.

O'zbekiston U-16 o'smirlar terma jamoasi bosh murabbiyi nomi bilan bog'liq yakuniy qaror yaqin kunlar ichida O'FF Terma jamoalar markazi tomonidan elon qilinadi.

Takidlash joiz, mazkur o'yinlar shu O'zbekiston U-16 o'smirlar terma jamoasi uchun shu yilning 6-20 sentyabr kunlari Tailandda bo'lib o'tadigan o'smirlar o'rtasidagi Osiyo CHempionti final bosqichi bahslariga tayyorgarlik bosqichidan o'rin olgan.