"Al Hilol" Bernardu Silva uchun yiliga 46,8 mln evro va bonuslarni taklif qilishga tayyor
24 iyu 2023 16:49
Yangiliklar

"Al Hilol" Bernardu Silva uchun yiliga 46,8 mln evro va bonuslarni taklif qilishga tayyor

Saudiya Arabistonining "Al Hilol" klubi "Manchester Siti" yarim himoyachisi Bernardu Silvaga qiziqish bildirmoqda.

Bu haqda "CBS Sports" jurnalisti Ben Jeykobs xabar berdi.

Manbaga ko'ra, "Al Hilol" futbolchiga bonuslarni hisobga olmaganda yiliga 40 mln funt (46,8 mln evro) maosh beriladigan bitim taklif qilmoqchi.

"Siti" 28 yoshli futbolchi bilan shartnomani uzaytirmoqchi. Silvaning o'zi esa hali kelajagi haqida bir qarorga kelgani yo'q.

Oldinroq yarim himoyachiga PSJ va "Barselona" klublari qiziqish bildirayotgani xabar qilingandi.

Silva o'tgan mavsum 54 ta o'yinda 7 ta gol urdi va 6 ta golli uzatmani amalga oshirdi. Uning shartnomasi 2025 yilning yoziga qadar mo'ljallangan. Transfermarkt portali futbolchining narxini 80 mln evroga baholayapti.

Havola :

Manba : CBS Sports

Yangiliklarni Telegramda o'qing!

Reyting: +1