"Al Arabi" "Al Sadd"ni tor-mor etib, Amir Kubogini qo'lga kiritdi
13 may 2023 10:53
Yangiliklar

"Al Arabi" "Al Sadd"ni tor-mor etib, Amir Kubogini qo'lga kiritdi

Kecha Qatarda 18 karra Amir Kubogi egasi "Al Sadd" "Al Arabi"ga 0:3 hisobida imkoniyatni boy berdi.

"Ahmad bin Ali" stadionida kechgan bahs birinchi bo'limi "Al Sadd" ustunligida o'tgan bo'lsa-da, hisob ochilmadi.

"Al Arabi" birinchi taymda yo'qotishga yo'liqdi – Yussuf Msakni jarohat tufayli maydonni tark etdi. Tanaffusdan keyin uning o'rniga Hamid Ismoil maydonga tushdi.

Ikkinchi taym boshida suriyalik hujumchi Umar As Soma hisobni ochdi. Oradan 20 daqiqa o'tib, hisob o'zgardi. Bu gal Hamid Ismoil gol urdi. Uchrashuv nihoyasiga oz vaqt qolganda yana Umar As Soma katta sahnaga chiqdi va hisobni 3:0 ko'rinishiga keltirdi. SHu tariqa, "Al Arabi" uzoq yillik tanaffusdan keyin sovrinni yutib oldi.

Endi "Al Arabi" OCHL pley-offida OKMK bilan to'qnash kelishi mumkin. Olmaliq klubi dastlabki bosqichda Bangladeshning "Bashundara Kings" jamoasi bilan uchrashadi. G'olib aynan Qatar jamoasiga qarshi bahs yuritadi.

Eslatib o'tamiz, saralash bosqichi o'yinlari 15 avgust kuni bo'lib o'tadi va O'zbekistonning har ikki klubi o'z maydonida o'ynaydi. Dastlab OKMK "Bashundara Kings" bilan, so'ng "Navbahor" Ummonning "Al Sib" klubi bilan ro'baro' keladi.

Havola :

Manba : championat.asia

Yangiliklarni Telegramda o'qing!

Reyting: +6