Akmal Xolmurodov dastlabki 6turda 3ta qizil kartochka olib, oliy liga antirekordini qayd etdi
24 apr 2016 11:00
Yangiliklar

Akmal Xolmurodov dastlabki 6turda 3ta qizil kartochka olib, oliy liga antirekordini qayd etdi

Kecha "Andijon" klubi o'z uyida "So'g'diyona" bilan o'ynab 3:0 hisobida zafar quchdi.

Ushbu o'yinda "So'g'diyona" sardori va himoyachisi Akmal Xolmurodov qizil kartochka olib maydonni tark etdi. Takidlash lozimki, Xolmurodov bu mavsumning o'zida uchinchi bor qizil kartochka oldi.

Birinchi turda Bekobodda "Metallurg"ga qarshi o'yinning 39-daqiqasida chetlatilgan himoyachi 2-turda dam oldi. Uchinchi turda Namanganda "Navbahor"ga kechgan bahsning 75-daqiqasida qizil kartochka olgan Xolmurodov 4-turda dam oldi. Nihoyat 6-turda "Andijon" bilan uchrashuvda maydondan chetlatilgan futbolchi kamida keyingi turni o'tkazib yuborishga majbur bo'ladi.

Takidlash lozimki, Xolmurodov oliy liga tarixida dastlabki 6ta turda 3ta qizil kartochka olgan birinchi futbolchiga aylandi.

Havola :

Manba : championat.asia

Yangiliklarni Telegramda o'qing!

Reyting: +12