Akbar Ismatullaev: "OTJda muhit juda yaxshi"

 24 dekabr kuni boshlangan mashg'ulotlarda "Paxtakor" himoyachisi Akbar Ismatullaev ham ishtirok etmoqda.

- Mashg'ulotlar kuniga ikki mahaldan o'tkazilmoqda - deya gap boshladi Akbar Ismatullaev.  - Ertalab jismoniy tayyorgarlik mashqlari bilan o'tkazilmoqda. SHu bois trenajyor zalida shug'ullanmoqdamiz. Tushlikdan so'ng esa "Jar" stadionida to'p bilan ishlayapmiz.

- Bosh murabbiy SHuhrat Maqsudov haqida nima deyishim mumkin? Albatta tajribali murabbiy. Mashg'ulotlari ham chakki emas. Rang-baranglik bor albatta.

- Terma jamoaga o'z klubining asosiy tarkibida o'ynayotgan futbolchilar taklif etilgan. Muhit juda ham yaxshi. OTJga murabbiylar 1991 yil va 1994 yilgacha bo'lgan o'yinchilarni chaqirgan bo'lsada, hamma bir biri bilan juda ham iliq munosabatda. Hech qanday tushunmovchilik yoki qandaydir muammo yo'q - deydi Akbar Ismatullaev "SA"ga bergan intervyusida.