"Ajdarlar" to'qqizinchi to'qnashuvga tayyormi? "Baniyas" - "Nasaf" uchrashuviga prevyu

Superliga startida ikkita durang bilan cheklangan qarshiliklar BAAda mahalliy "Baniyas" jamoasi mehmoni bo'ladi. Bu oqshomda OCHL guruh bosqichiga chiqish masalasi uzil kesil hal qilinadi. Yo'llanma faqat bitta o'yinda qo'lga kiritiladi. Quyida bugungi bellashuv oldidan fikr va mulohazalarimizni bildirib o'tamiz. 

⚡️ MATCH DAY. "Nasaf" yoki "Baniyas"?

"Nasaf" va "Baniyas"dagi vaziyat 

Ro'ziqul Berdiev shogirdlari shu kunga qadar uchta rasmiy o'yinda qatnashishga ulgurishdi. Dastlab Superkubokda "Paxtakor"ga imkoniyat berilgan bo'lsa, "Navbahor" va "Metallurg" bilan murosa ko'chasini tanladi. Jamoa hali to'liq formaga kirib olmagani yaqqol ko'rinib turibdi. Boz ustiga futbolchilarda avvalgi o'yinlardagi ruhiyat hali hamon saqlanib qolmagan bo'lsa bo'lgani. "Nasaf"ning raqibi "Baniyas" BAA chempionatida 10 mart kuni 19 tur o'yinida maydonga tushib "Al Nasr"ni 2:1 hisobida mag'lub etdi. Ayni payt turnir jadvalida 28 ochko bilan 6 o'rinda ketmoqda. 

"So'g'diyona"na "Nasaf"ga muxlislik qiladi

"Nasaf" mag'lubiyatga uchragan taqdirda OFK kubogi orqali xalqaro maydondagi yurishini davom ettiradi. Biz bu bilan hozirdanoq ularni OCHLdan chetga chiqarib qo'ymoqchi emasmiz. Lekin ushbu faktor "ajdarlar"ning bosimsiz  to'p tepishlarini taminlaydi. CHunki xalqaro maydonda imkoniyat yo'qotilmagan bo'ladi. Kechagi matbuot anjumanida Ro'ziqul Berdiev guruh bosqichiga chiqish uchun ishtiyoq katta ekanligini takidladi. O'tgan mavsum Superligada ikkinchi o'rinni olgan "So'g'diyona" bugun astoydil "Nasaf"ning g'alabasini kutadi. Hamyurtlarimizning BAAdan yutuq bilan qaytishi o'z-o'zidan jizzaxliklar uchun xalqaro maydon eshiklarini ochadi. Ular OFK kubogida yurtimiz sharafini himoya qilishlari mumkin bo'ladi. 

OCHL. Ro'ziqul Berdiev: "Ertaga guruh bosqichiga o'tish ishtiyoqida maydonga tushamiz"

"Baniyas" haqida 

Ushbu klub 1982 yilda tashkil topgan. Uy uchrashuvlarini 10 000 sig'imga ega "Baniyas" arenada o'tkazadi. Jamoani ruminiyalik Daniel Iseyle boshqarmoqda. Malumot o'rnida aytish mumkinki, 2011 yil qisqa vaqt franciyalik futbol yulduzi David Trezege to'p tepgan. Ayni paytdagi holatga ko'ra, Sasha Ivkovich (Xorvatiya), Salim Al Mamari (Ummon), Saile (Braziliya), Gaston Alvarez Suarez (Argentina), George Tibar (Tanzaniya), Nikolas Ximines (Argentina), Joao Viktor (Braziliya), Isaak Telin (SHveciya), Said Xamis (Tanzaniya) kabi legionerlar jamoada o'ynamoqda. Jamoaning o'rtacha yoshi 25,7. O'tgan mavsum amirliklar chempionatida 2 o'rinni egalladi. 

Jamoaning uy stadioni "Baniyas" arena

Foto: Klub rasmiy saytidan olindi

Iroqlik Al Qaysi 2021 yil AGMKni, bu yil "Nasaf"nimi?

Bugungi o'yinni boshqarish cheki iroqlik hakam Ali Sabah Adday Al Qaysiga ishonib topshirilgan. Qiziq holat shuki, ushbu referi avvalgi mavsumda Qatarda kechgan "Al Garafa" - AGMK o'yinini boshqargandi. O'shanda olmaliqliklar ekstra-taymlarning so'nggi soniyalarida Jokichning goli evaziga Dohadan g'alaba va OCHL guruh bosqichi yo'llanmasi bilan qaytgan edi. Ko'ramiz, bugun Al Qaysi qaysi jamoani olib chiqar ekan?

BAA klublariga qarshi statistika va uch yildan so'ng qaytish 

"Nasaf" OCHLda so'nggi bor 2018 yil guruh bosqichida qatnashgan. Qizig'i turnirdagi so'nggi o'yin aynan BAA klubiga qarshi kechgandi (Al Vasl - "Nasaf" 1:2). Jamoa hozirgacha BAA klublari bilan o'zaro 9 marotaba to'qnash kelgan. 3ta o'yinda Qarshi klubi zafar quchgan bo'lsa, 2tasida durang qolgan 4ta bellashuvda raqiblar g'alabani o'z tomoniga og'dirgan, deya olamiz.  

10.02.2002. "Al Vahda" - "Nasaf" 1:2

07.03.2012. "Nasaf" - "Al Jazira" 2:4

02.05.2012. "Al Jazira" - "Nasaf" 4:1

18.03.2015. "Al Ahli" - "Nasaf" 0:0

07.04.2015. "Nasaf" - "Al Ahli" 0:1

19.04.2016. "Nasaf" - "Al Ayn" 1:1

03.05.2016. "Al Ayn" - "Nasaf" 2:0

20.02.2018. "Nasaf" - "Al Vasl" 1:0

16.04.2018. "Al Vasl" - "Nasaf" 1:2

Baniyas

AFC Champions League Qualification . final-tur 15/03/2022, 20:15 2 : 0 Tugadi

Nasaf Qarshi Sherzod Nasrulloev - 27', Khusayin Norchaev - 75'

45'

90'

27'  Sherzod Nasrulloev

75'  Khusayin Norchaev

Match-senterda ochish