AGMK finalning dramatik kechgan ikkinchi o'yinida ham "Paxtakor"ni mag'lub etdi GALEREYA

Kecha uchinchi o'rin uchun kechgan ikkinchi o'yinda "Navbahor" va "Nasaf" jamoalari o'zaro 4:4 hisobida durang o'ynashdi. Penaltilar seriyasida esa omad namanganliklar tomonida bo'ldi - 2:1. Birinchi bahsda qarshiliklar 6:3 hisobida zafar quchishgan edi. Bugun jamoalar hal qiluvchi oxirgi uchrashuvni o'tkazishadi.

Finalning ikkinchi bahsida "Paxtakor" va AGMK jamoalari dramatik o'yinni namoyish etib berishdi. Birinchi kunda olmaliqliklar 6:1 hisobida oson g'alabani qo'lga kiritishgandi. Kechagi to'qnashuv esa keskin va murosasiz kurashlar ostida o'tdi. Yakunda jarohatlar girdobiga tushib qolgan Ravshan Rajabov boshchiligidagi "sherlar" 1-bo'limdan keyingi ustunlikni saqlab qola olishmadi. Aleksandr Petrov murabbiyligidagi AGMK esa jarohatlar nuqtai-nazaridan ustunlikdan foydalana oldi va yakunda 5:4 hisobida g'alaba qozondi. Agar bugungi o'yinda olmaliqliklar g'alaba qozonishsa final seriyasi yakuniga etadi. Bordiyu, poytaxtliklar bu safar g'alabani o'zlariniki qila olishsa, final seriyasi davom etadi.

Futzal, final
2-kun, 16.12.2019
"Paxtakor" - AGMK 4:5
Gollar: D.SHavkatov 14, 17, 19, T.Sadirov 34 - I.Ropiev 4, 21, I.Hamroev 18, 26, T.Sadirov 32 (avt.)
"Paxtakor"(birinchi beshlik): Ravshan Eliboev, Dilshod Irsaliev, Feruz Fahriddinov, Avazbek Abduvaliev, Ilhom Rajabov.
Zaxira: Muhammad Zoirov, Mahsud Fayzullaev, Timur Sadirov, Dilmurod SHavkatov, Fahriddin Samegov, Farhod Abdumavlonov, Akmal Hazratqulov.

AGMK (birinchi beshlik): Rustam Umarov, Mashrab Adilov, Davron Valijonov, Akbar Usmonov, Temur Berdiev.
Zaxira: Abbosbek O'lmasaliev, Ixtiyor Ropiev, Ilhomjon Hamroev, Davron Abdurahmonov, Dilshod Rahmatov, Alan Aminov, Islambek Biyturaev, Anasxon Rahmatov, Husniddin Nishonov.
Ogohlantirishlar: A.Abduvaliev 27, D.Irsaliev 32 - H.Nishonov 7