AGMK 6 nafar mahalliy va 2 legioner futbolchi bilan shartnoma tuzdi

2017 yilgi mavsumda AGMK sharafini himoya qilgan bir qator futbolchilar shartnomalar uzaytirilmaganligini avvalroq xabar bergan edik. Tarkibdagi bo'shliqni to'ldirish maqsadida bir qator futbolchilar jamoaga taklif etildi.

Ayni damda AGMK safida mashg'ulotlarda ishtirok etayotgan Javlon Guseynov (So'g'diyona), Saydullo Rahmatov (Nasaf), Ibrohim No'monov, Muzaffar Muzaffarov (ikkalasi - Neftchi), Otabek Zokirov (Qizilqum), Abdumalik Abdullaev (Dinamo)lar 2018 yilgi mavsumni AGMK o'tkazishi aniq bo'lgan.

SHuningdek, ikki nafar serbiyalik futbolchi Vladimir Bubanya (Zemun, Serbiya) va Yovan Jokich (Atirau, Qozog'iston) bilan ham shartnoma imzolandi.

AGMKning o'tgan yilgi azolari bilan ham shartnomalar uzaytirilganligini takidlash lozim.

Jamoa tarkibi shakllantirish davom etmoqda. Hozirda jamoa safida ko'rikda Qirg'iziston terma jamoasi azosi Anton Zemlyanuxin mashg'ulotlarda ishtirok etmoqda. Uning AGMKda qolish yoki qolmasligi yaqin kunlarda aniq bo'ladi.

Bugun bo'lib o'tadigan mashg'ulotda xorijlik futbolchilar kelib qo'shilishi kutilmoqda.