"Abramov katta tavakkalga qo'l urdi. Namanganda Babayan uslubi va muxlislar katta rol o'ynashi mumkin" - Coca-Cola Superliga 17-tur oldidan mutaxassis fikri

Ortiqcha tariflarsiz bugun barchaning nigohi Namangandagi "Markaziy" stadionga qaratiladi. Samvel Babayan boshchiligidagi "Navbahor" o'z maydonida "Paxtakor"ga qarshi. Turning markaziy bahsi deyishga to'liq haqlimiz. Samarqandda esa chempionatni omadsiz o'tkazayotgan "Dinamo" va "Bunyodkor" o'zaro to'qnash keladi. Ertangi kundan yana qiziqarli o'yinlar o'rin olgan. Ushbu uchrashuvlar oldidan taniqli murabbiy Baxtiyor Ashurmatovning fikrlari bilan qiziqdik. 

— Joriy yilgi mavsumda o'yinlar natijasini oldindan taxmin qilish qiyin bo'lmoqda. Autsayder jamoalar etakchilarga munosib qarshilik ko'rsatmoqda, deb o'ylayman. Buni "Olimpik" ishtirokidagi bahslarda ham ko'ryapmiz. Jamoalarning kuchi va turnir jadvalidagi o'rnidan kelib chiqib fikrlarimni bildirib ko'raman. Har bir bahs muxlislar va mutaxassislar uchun qiziqarli o'tishiga ishonaman.

Navbahor Jamshid Iskanderov - 47'

Superliga. 17-tur 28/08/2022, 19:00 1 : 1 Tugadi

Paxtakor Xozhiakbar Alizhonov - 52'

45'

90'

40'  Aleksandr Kasyan (Zoran Marushich)

47'  Jamshid Iskanderov

80'  Jamshid Boltaboev

87'  Asadbek Sobirzhonov (Mirlan Murzaev)

87'  Jamshid Iskanderov (Azim Ahmedov)

52'  Xozhiakbar Alizhonov

66'  Azizbek Turg’unboyev (Dostonbek Hamdamov)

70'  Ilya Martinovich (Abbosbek Fayzullayev)

76'  SHahzod Azmiddinov

90'  Dragan CHeran (Muhammadali O'rinboyev)

Match-senterda ochish

— "Navbahor" - "Paxtakor" nafaqat turning, balki chempionatning eng muhim o'yini hisoblanadi. Kurashlarga boy, jamoalarning turnir jadvalidagi o'rniga tasir qiladigan qarama-qarshilik guvohiga aylanamiz. Bu bellashuvda mezbonlarning imkoniyatini yuqori baholayman. CHunki mavsumni barqaror va yaxshi o'tkazmoqda. O'ziga kerakli ochkolarni qo'lga kirityapti. O'ylaymanki, Samvel Babayan tanlagan uslub, jamoani chin dildan qo'llab-quvvatlaydigan muxlislar roli muhim ahamiyat kasb etadi. SHackix "Paxtakor"ning o'yinini o'zgartirishga harakat qilyapti. Unga albatta vaqt kerak. Bugun bosim yuqoriligi sababli ochiq o'yin bo'lmasligi ehtimoli bor. Qolaversa, hakamlarga oson bo'lmaydi. O'ziga hos bosimni engib o'tishlari talab etiladi. Xato qilishdan qo'rqib ishlashadi. Akobirxo'ja yaxshi saviyadagi referi. Hakamlik xolis o'tadi, deb o'ylayman. 

Imkoniyatlar: 60/40 

Dinamo SHohruh Abdurahmonov - 25'

Superliga. 17-tur 28/08/2022, 19:00 2 : 1 Tugadi

Bunyodkor Usmonali Ismonaliev - 57', Dmitrie Pobulich - 62'

45'

90'

25'  SHohruh Abdurahmonov

46'  To'lqin Ergashev (Islom Sharipov)

71'  Evgeniy CHumak (Sahob Rashidov)

84'  Marat Bikmayev (Fahriddin Alimov)

32'  Ibrohim Tomiva (Usmonali Ismonaliev)

57'  Usmonali Ismonaliev

62'  Dmitrie Pobulich

71'  Umarali Rahmonaliyev (Avazbek O'lmasaliev)

89'  Rasul Yo'ldoshev (Umidbek Sultonov)

89'  Dmitrie Pobulich (Bilol Tupliev)

Match-senterda ochish

— Mazkur bahs ham qiziqarli o'tishini taxmin qilaman. "Dinamo" uchun oxirgi imkoniyatlardan biri. "Bunyodkor" bilan o'yinda mezbonlar g'alaba qozongan taqdirdagina elitada qolish imkoniyatini saqlab qoladi. Agarda mag'lubiyatga uchrasa,  Pro ligaga tushib ketadigan jamoalar qatoriga kiritsa bo'ladi. To'g'ri o'yinlar hali etarli. Ammo shu kungacha 7 ochko jamg'argan jamoaning navbatdagi turlarda etarlicha natijalarga erishishini taxmin qilish qiyin. Ochig'i Vadim Abramov "Dinamo"ni qabul qilib olganida xayron qoldim. Murabbiy katta tavakkalga qo'l urdi. Sababi jamoani turnir jadvalida saqlab turgan o'rnini yaxshi deb bo'lmasdi. Boz ustiga yozgi transferlar vaqtida ham jamoani o'zi shakllantirmagan. Istagan o'yinchilarini olmagan. "Dinamo"ning Superligada qolishini qaysidir manoda mo'jizaga qiyoslash o'rinli. Vadim Karlenovich tavakkalchi murabbiy. Agarda klub oldidagi maqsadiga erishsa, Abramov obro'yini tiklab olishi mumkin. Maydon egalari oxirigacha kurashadi. "Bunyodkor" ham oxirgi o'yinlarni ko'ngildagidek o'tkaza olmayapti. Qaysidir jamoa ustunlik qilishini kutish mushkul. 

Imkoniyatlar: 50/50 

Nasaf

Superliga. 17-tur 29/08/2022, 19:00 0 : 0 Tugadi

Lokomotiv

45'

90'

20'  Akmal Mozgovoy

27'  Mpako Etame Jerom

Match-senterda ochish

— Bu uchrashuvda "Nasaf" yaqqol favorit. Oradagi kichik pasayishdan so'ng ular o'z o'yinlarini topib oldi. "Lokomotiv"da murabbiy o'zgardi. Bu shuni ko'rsatyaptiki, aksariyat jamoalar murabbiyga etarlicha imkoniyat berishmayapti. Ushbu qaror har doim ham o'zini oqlamaydi. Server Jeparovning katta jamoada bosh murabbiy sifatida qanday ishlashi qiziq. Mana Timur Kapadze o'zini ko'rsatmoqda. Serverga ham bu qiyin yo'lda omad tilab qolaman. 

Imkoniyatlar: 70/30

OKMK Alisher Jalilov - 6', Martin Boake - 56'

Superliga. 17-tur 29/08/2022, 19:00 1 : 2 Tugadi

Surxon Ruben Sanchez - 60'

45'

90'

6'  Alisher Jalilov

6'  Shohruh Gadoyev

56'  Martin Boake

56'  Alisher Jalilov

60'  Ruben Sanchez

Match-senterda ochish

— Avvalgi safar AGMKning imkoniyatini yuqori baholagan edim. Biroq "Metallurg"ga mag'lubiyatga uchragandi. Fikriimcha, olmaliqliklar "Surxon"ga hech qanday imkoniyat qoldirmaydi. Anxel Lopes shogirdlari jangovar futbol ko'rsatadi. Ammo AGMKda yaxshi tarkib yig'ilgan. Yuqori o'rinlar uchun kurashadigan jamoa bor. 

Imkoniyatlar: 80/20

Neftchi Abror Ismoilov - 45', Abror Ismoilov - 56'

Superliga. 17-tur 29/08/2022, 19:00 1 : 2 Tugadi

Qizilqum Islom Kenzhaboev - 42'

45'

90'

45'  Abror Ismoilov

56'  Abror Ismoilov

56'  Lutfulla To’rayev

16'  Ignatiy Nesterov

42'  Islom Kenzhaboev

Match-senterda ochish

— "Neftchi" jamoasi afsuski o'z muxlislari kutgan o'yinni ko'rsata olmayapti. "Qizilqum" bilan uchrashuvdagi mag'lubiyat jamoa holatini yanada og'irlashtirishi turgan gap. Navoiy shahri klubida yaxshi jamoa shakllangan, tajribali ijrochilar ko'p. Turnir jadvalida yuqori o'rinlar uchun kurashmoqda. "Neftchi"ga g'alaba kerak. SHu omillarni hisobga olib murosasiz bahs va  durang natijani taxmin qilaman. 

Imkoniyatlar: 50/50

Olimpik Po'latxo'ja Xoldorxonov - 75'

Superliga. 17-tur 29/08/2022, 19:30 0 : 1 Tugadi

So'g'diyona

45'

90'

75'  Po'latxo'ja Xoldorxonov

75'  Saidazamat Mirsaidov

Match-senterda ochish

—Turning muhimlilik darajasi bo'yicha markaziy bahs sifatida "Navbahor" - "Paxtakor"dan keyin "Olimpik" - "So'g'diyona" to'qnashuvini ko'rsataman. "Olimpik" barchani xayron qoldirmoqda. O'yinlarini ko'rib ko'z quvnaydi. CHiroyli futbol ko'rsatishmoqda. Har bir jaomaga etarlicha tashvish tug'diryapti. Ikkinchi tomondan chempionatimizning eng kuchli murabbiylari bellashuvi ham bo'ladi. Lekin "So'g'diyona" va Ulug'bek Baqoevning oxirigacha kurashishini, ruhan yaxshi tayyorlashini inobatga olish darkor. 

Imkoniyatlar: 45/55

Metallurg

Superliga. 17-tur 30/08/2022, 19:00 0 : 0 Tugadi

Qo’qon-1912

45'

90'

Match-senterda ochish

— SHaxsan men uchun yana bir qiziqarli o'yin. "Qo'qon-1912"da birinchi davrada ishladim. Bu jamoaning autsayderlar qatorida yurgani achinarli. Davron Fayziev qo'l ostida yaxshi jamoa harakat qilmoqda. O'ylaymanki, ular hozirgi murakkab vaziyatdan chiqib keta olishadi. 

Imkoniyatlar: 40/60