Abbos Omonov: "Mashal"ga moslashish jarayoni ketmoqda"

- Avvalo "Neftchi"ga qarshi bahs xususida fikrlaringiz bilan o'rtoqlashsangiz.
- "Neftchi"ga qarshi uchrashuv qiyin o'tishini avvaldan bilardik. SHunga qarab tayyorgarlik ko'rgandik. Uchrashuvning dastlabki 30 daqiqasi teng kurashlar ostida o'tgan bo'lsa, keyin sekin-asta mezbonlar bizdan ko'ra yaxshiroq harakat qilganini aytishim mumkin. O'yinda har ikki jamoada qulay imkoniyatlar vujudga keldi. Afsus biz ham, raqib jamoa ham imkoniyatlardan foydalanishga erisha olmadik.

- "Neftchi" jamoasi bu yil yangilangan tarkib bilan harakat qilmoqda. Bu jamoa avvalgilaridan nimasi bolan farq qilmoqda?
- Xaqiqatdan "Neftchi" jamoaai bu yil tubdan yangilanib ketdi. Jamoa yaxshi shakllanganligini aytishim mumkin. Bu jamoaga ozgina vaqt kerak menimcha. Keyingi turlarda jamoa o'z o'yinini topib olsa, bemalol avvalgi mavqeyiga qaytishiga ishonishimiz mumkin.

- Abbos, bu yil siz "Mashal"jamoasi tarkibiga yangi kelib qo'sholdingiz. Jamoaga moslashish qiyin kechmayaptimi?
- Ha to'g'ri bu yil jamoaga yani kelganlardan biriman. "Mashal" jamoasi yaxshi shakllangan jamoalardan biri ekanligiga shubha yo'q. Jamoaga moslashish jarayoni hali ham ketmoqda. "Mashal"ga foyda keltirishga harakat qilaman.

- Jamoa murabbiyi Xomyakovning mashg'ulotlari haqida nima deya olasiz?
- Murabbiyimiz bilan tez til topishib ketishga muvaffaq bo'ldim desam adashmagan bo'laman. Mashg'ulotlar juda qiziqarli o'tmoqda. Biz asosan texnik va taktik uslublardan foydalanib mashg'ulotlar o'tkazayapmiz.

- Endi keyingi turda sizlarni jiddiy sinov kutib turibdi.
-To'g'ri aytasiz, keyingi o'yin shanba kuni "Olmaliq"qa qarshi bo'ladi. Biz bu o'yinga qarshi tayyorgarlikni boshlab yuborganmiz. “Olmaliq” yaxshi shakllangan jamoa. Ularni tarkibida mahoratli o'yinchilar talaygina. Bu o'yinda bizga oson bo'lmasligini sezib turibman. SHunga yarasha tayyorgarlik ko'rib, muxlislarimizni hursand etishga harakat qilamiz. Muboraklik muhlislarga g'alaba tortiq etishga niyat qilganmiz.


Komiljon Ikromov suhbatlashdi.