Abbos Fayzullaev: "Olimpiadaga hech kim mag'lubiyatga uchraymiz yoki guruhda qolib ketamiz degan maqsadda kelmaydi"
30 iyu 20:51
Yangiliklar
Abbos Fayzullaev: "Olimpiadaga hech kim mag'lubiyatga uchraymiz yoki guruhda qolib ketamiz degan maqsadda kelmaydi"
"Avvalambor, stadiondan va ekran ortidan qo'llab-quvvatlab turgan muxlislarimizga minnatdorchilik bildiraman. Biz buni his qilib turdik. Ijtimoiy tarmoqlar orqali va to'g'ridan-to'g'ri stadionda bunga guvoh bo'ldik. Olimpiya o'yinlari juda muhim turnir sanaladi. Biz bu erda ishtirok etishni ancha vaqt kutgan edik. Musobaqa davomida qaysidir joyda omad, qaysidir joyda tajriba etishmadi. Bu kabi o'yinlarda bitta vaziyat hamma narsani hal qiladi. SHu bois, 90 daqiqa davomida konsentraciyani yo'qotmaslik kerak.
Klubdagi kelgusi faoliyatim haqida hozircha hech narsa deya olmayman. Sababi, bor etiborimni terma jamoaga qaratganman. Endilikda CSKA safiga qaytib, keyingi o'yinga tayyorgarlikni boshlayman. Klub 4 avgustda navbatdagi uchrashuvini o'tkazadi. Moskvaliklar bilan shartnomam bor. Hamma narsa o'z vaqtida bo'lgani yaxshi.
23 yoshdan katta futbolchilar jamoaga yaxshi qo'shilib ketishdi. Ularni ham tushunsa bo'ladi, chunki ular jamoa bilan ko'p vaqt birga bo'lishmagan. Boshqa tizimdagi futboldan bu erga darhol moslashib ketish qiyin. SHunga qaramay, ular harakat qilishdi. Ammo ularning tayyorgarligi uchun biroz vaqt etishmadi. Ular qancha ko'proq jamoa bilan bo'lsa, taktik ishlanmalarga moslashishi shuncha oson kechadi. Turnir davomida barcha jonini berib harakat qiladi. Bu erga hech kim mag'lubiyatga uchraymiz yoki guruhda qolib ketamiz deb kelmaydi. Muxlislarimiz ham buni to'g'ri tushunishadi degan umiddaman. Biz tarix yaratdik, o'zbek futbolida burilish sodir etdik. CHinakam muxlislar bundan keyin ham bizni qo'llab-quvvatlashda davom etishadi degan umiddaman. Oldimizda jahon chempionatiga yo'l olish maqsadi turibdi. Bu maqsadni ham uddalab, tarixda yana bir sahifa yaratishga harakat qilamiz", dedi Fayzullaev.
O’xshash yangiliklar
championat.asia
"Андижон" драматик ўтган баҳсда "Навбаҳор"ни мағлуб этиб, Ўзбекистон кубоги соҳибига айланди
Суперлига. Черан туғилган кунида "Динамо" дарвозасига учта гол киритиб, "Пахтакор"га муҳим ғалабани тақдим этди
Ўзбекистон кубоги. Бугун финал!
"Андижон" ўз тарихида биринчи бор ОЧЛда иштрок этади
Fikrlar
Мағлубият билан мағлубиятни фарқи бор. "Афсонавий Абрамов" иккала терма командага тренер бўлган пайти олимпиада йўлланмаси учун кечган баҳсда Тошкентда БАА термасига 2:0 ҳисобида ғалаба қозонаётиб ютқазганимиз эсингиздами? Узоқ вақт ўзимга келолмай юрганман шу ўйиндан кейин. Биринчи таймдан кейин йиғлаётган араб мухлислар ўйиндан кейин устимиздан кулиб кетган.
Япония, Австралия, Корея сингари терма командаларга ўта йирик ҳисобларда ютқазган пайтларимиз кўп бўлган. Ҳозир ҳар икки термамиз ҳам Осиё грандлари билан бемалол беллаша оладиган даражага етди. Айниқса шу ёшлар уларни бемалол бурнини ерга ишқаб вояга етди. Энди тажрибали тренер қўлида шу темпда давом этишади иншооллоҳ. Чунки, аввалги ёш авлод ҳатто ўзимизнинг суперлига клубларимиз асосий таркибига киролмай йўқ бўлиб кетарди. Бу авлод эса аллақачон легионер бўлишга улгурди. Муҳими, ёшларнинг ўзида интилиш бор. Ҳаракат қилса Аббос ёки Абдуқодир сингари ёшда ҳам кучли жамоаларда ўйнаши мумкинлигини англаб қолишди. Биз Хитой ё Ҳиндистон эмасмиз, бизга Аллоҳ юқтирган ва бу ҳақиқатни ёшларимиз исботлади. Биз 23 ёш тоифасида жаҳоннинг еучли 16 командасидан бири бўлдик. Биринчи иштирок бироз омадсиз бўлди, кейинги сафар зўр бўлади иншооллоҳ. Йигитларга раҳмат. Мухлис халқи шунақа: аввал музқаймоқ еб келишингизга-да рози бўлиб турганлар олимпиадага чиққанингиздан кейин янада катта натижалар истаб қолдилар сиздан. Бу табиий ҳам. Ютқазишни ҳеч ким ёқтирмайди ўзи.
Парвозингиз баланд бўлсин. Бизни олимпиада йўлланмаси билан қувонтирганингиз каби жаҳон чемпионати йўлланмаси билан ҳам қувонтирасиз деган умиддамиз.
Мағлубият билан мағлубиятни фарқи бор. "Афсонавий Абрамов" иккала терма командага тренер бўлган пайти олимпиада йўлланмаси учун кечган баҳсда Тошкентда БАА термасига 2:0 ҳисобида ғалаба қозонаётиб ютқазганимиз эсингиздами? Узоқ вақт ўзимга келолмай юрганман шу ўйиндан кейин. Биринчи таймдан кейин йиғлаётган араб мухлислар ўйиндан кейин устимиздан кулиб кетган.
Япония, Австралия, Корея сингари терма командаларга ўта йирик ҳисобларда ютқазган пайтларимиз кўп бўлган. Ҳозир ҳар икки термамиз ҳам Осиё грандлари билан бемалол беллаша оладиган даражага етди. Айниқса шу ёшлар уларни бемалол бурнини ерга ишқаб вояга етди. Энди тажрибали тренер қўлида шу темпда давом этишади иншооллоҳ. Чунки, аввалги ёш авлод ҳатто ўзимизнинг суперлига клубларимиз асосий таркибига киролмай йўқ бўлиб кетарди. Бу авлод эса аллақачон легионер бўлишга улгурди. Муҳими, ёшларнинг ўзида интилиш бор. Ҳаракат қилса Аббос ёки Абдуқодир сингари ёшда ҳам кучли жамоаларда ўйнаши мумкинлигини англаб қолишди. Биз Хитой ё Ҳиндистон эмасмиз, бизга Аллоҳ юқтирган ва бу ҳақиқатни ёшларимиз исботлади. Биз 23 ёш тоифасида жаҳоннинг еучли 16 командасидан бири бўлдик. Биринчи иштирок бироз омадсиз бўлди, кейинги сафар зўр бўлади иншооллоҳ. Йигитларга раҳмат. Мухлис халқи шунақа: аввал музқаймоқ еб келишингизга-да рози бўлиб турганлар олимпиадага чиққанингиздан кейин янада катта натижалар истаб қолдилар сиздан. Бу табиий ҳам. Ютқазишни ҳеч ким ёқтирмайди ўзи.
Парвозингиз баланд бўлсин. Бизни олимпиада йўлланмаси билан қувонтирганингиз каби жаҳон чемпионати йўлланмаси билан ҳам қувонтирасиз деган умиддамиз.