15 mlrd byudjet va 200ga yaqin tarbiyalanuvchi. Legionerlardan voz kechgan "Metallurg" akademiyasiga fotosayoxat

Bekobodga borib "Metallurg" akademiyasiga fotosayoxat uyushtirdik. Quyida ajoyib ko'rinishga keltirib qo'yilgan akademiya va klub bazasidan suratlarni etiboringizga havola etamiz.

"Metallurg" klubi zamonaviy va barcha sharoitlar yaratilgan akademiyasini ishga tushirdi.

- Ayni paytda akademiyada 3 nafar ispaniyalik mutaxassislar faoliyat olib boryapti;

- Hozirda akademiyaga 11 yoshdan 17 yoshgacha bo'lgan bolalar qabul qilinyapti;

- Bu maktab talimi ham ichida bo'lgan O'zbekistondagi birinchi akademiyadir. Yani, "Metallurg" akademiyasida tarbiyalanayotgan bolakaylar bir vaqtning o'zida maktab talimini ham shu erning o'zida olishadi;

- Akademiyada ingliz va ispan tillari chuqurlashtirilgan tarzda o'qitiladi. O'qituvchilar Toshkent shahridan chaqirilgan va oliy malumotli;

- Akademiya yotoqxonasi 210 nafar bolaga mo'ljallangan. Hozircha, 200ga yaqin bola tahsil olmoqda;

- Akademiya tarbiyalanuvchilarning 50 foizi uchun bepul, qolgan 50 foizi uchun esa pullik;

- Pullik o'qiydiganlar oyiga 3 mln so'mdan to'laydi, bepul varianti esa iqtidorli bolalar uchun;

- Har bir guruhga 40 nafardan bola qabul qilish mo'ljallangan. Ulardan 20 nafari pullik, 20 nafari esa iqtidorli bolalar (bepul);

- Kelajakda tarbiyalanuvchilar sonini 240-250 nafarga etkazish mo'ljallanyapti.

"Metallurg" joriy mavsum 2-davradan boshlab legionerlar xizmatidan voz kechdi va ularga sarflanadigan pullarni akademiyaga yo'naltirishni boshladi. Klub rahbariyatining "Championat.asia"ga malum qilishicha, yangi mavsumda ham jamoaga legionerlar olib kelinmaydi.

"Metallurg" akademiyasining bir yillik byudjeti 15 mlrd so'mni tashkil etadi. Ha, pullarni o'rtamiyona legionerlarga sarflagandan ko'ra, mana shunday akademiyaga ishlatgan ancha foydaliroq bo'lsa kerak. Har holda, klub buning mevasini bir necha yillar o'tib ko'rishi mumkin.

Quyida "Metallurg" akademiyasi va klub bazasidan suratlarni tomosha qilishingiz mumkin.

Akademiya xududidagi maydon, uning chimi almashtirish jarayonida.

Akademiya binosi.

Ajoyib akademiya va baza. SHaroitlar ham alo darajada.

Murabbiylar uchun, trenajer zali va umumiy katta zalga mo'ljallangan bino.

"Metallurg"ning U-18 jamoasi istiqomat qiladigan bino.

O'quv binosi.

Akademiya o'quvchilari biologiya darsida.

Bolalarning yotoqxonasi.

Akademiya murabbiylari xonasi.

Anjumanlar zali.

Oshxona.

Akademiya binosi ichidagi issiq basseyn.

Tibbiyot xonasi.

Trenajer zali.

Tabiiy chimli maydon (bu chim ustida hali ishlanishi kerakligi ko'rinib turibdi).

Bu esa suniy qoplamali maydon. Bu ikki maydongacha akademiya binosidan 5 daqiqalik yo'l.