- Bugungi uchrashuv haqidagi fikrlaringiz bilan bo'lishsangiz?
- Bugungi uchrashuv biroz tartibsiz bo'ldi. Ikki oylik tanaffusdan so'ng yana parketga qaytdik. Bir haftadan buyon mashg'ulot olib borayapmiz. O'rtoqlik uchrashuvlaridagi natija men uchun muhim emas. Muhimi, o'yin sifatini yaxshilash va jamoa o'sishda davom etishi. G'alaba qozonish yoqimli, ammo biz yangi futbolchilarni sinab olishimiz kerak. Ertangi uchrashuvdan so'ng uch nafar futbolchi terma jamoaga ixtiyorini tark etadi.
- Futzal terma jamoamizdagi asosiy figuralar ushbu yig'inga jalb etilmadi. Bunga sabab nima?
- Ushbu yig'indagi asosiy maqsadimiz yangi futbolchilarga imkoniyat berish va ularni sinab ko'rish. Ertangi bahsda ham to'rtta yangi futbolchini parketda ko'ramiz. Yig'in davomida terma jamoaga nomzod bo'lgan barcha futzalchilarni sinab olishimiz kerak.
- Gvatemala terma jamoasi muntazam ravishda Jahon chempionatlarida ishtirok etishiga qaramay, grand jamoalar qatoriga kirmaydi. Gvatemala kabi o'rtamiyona terma jamoalarga qarshi yaqinlashib kelayotgan mundialda to'qnash kelishimiz aniq. Jahon birinchiligida bunday jamoalarni mag'lub etishimiz shart. Siz o'tgan yili o'zingiz Gvatemalaga borib seminar o'tkazib kelgan edingiz. Ikki oydan so'ng o'tkaziladigan Jahon kubogida Gvatemala futzal terma jamoasi kabi o'rtamiyona jamoalarga qarshi o'ynash qanchalik qiyin bo'ladi? Bugun ham oson g'alabaga erishmadik.
- Hozir natija ahamiyatsiz. Shu sababli kuchli terma jamoalarga qarshi o'ynamayapmiz. Futzalchilarimiz hali yuz foizliksalohiyatlarini ishlata olishmayapti. Bunga biroz vaqt kerak.
