Хитойликлар айни пайтда Хаикоу шаҳрида машғулот олиб боришмоқда. Жамоа устози Ли Тие йиғиндан кўзланган мақсад жамоадагиларнинг спорт формасини текшириб олиш эканини айтиб ўтди.
- "Тўғрисини айтсам, ҳозирги пайтга келиб кўп футболчилар ҳам жисмонан, ҳам руҳан толиққан. Биз эса биринчи навбатда ҳаммани яхши спорт формасига келтириб олишимиз керак. Март ойида бўладиган ЖЧ саралаш ўйинларига борган сари оз вақт қоляпти. Шу боис тез фурсат ичида таркибни шакллантириб олишимиз лозим бўлади", - дейди маҳаллий мураббий.
10 февралга қадар давом этадиган йиғинда Хитой термаси иккита ўртоқлик учрашуви ўтказади. Катта эҳтимол билан ҳар икки рақиб Суперлига жамоалари бўлади.
