Manbaning so'zlariga ko'ra, 25 yoshli futbolchi Madrid klubi bilan yangi shartnoma bo'yicha kelisha olmayapti, bu esa "Manchester Siti", "Chelsi" va Saudiya Arabistonining bir nechta klublarining qiziqishlariga sabab bo'lmoqda.
Vinisius 2018 yildan beri "Real" safida o'ynab kelmoqda. Braziliyalik futbolchi 2025/26 yilgi mavsum barcha musobaqalarda 17 o'yinda maydonga tushib, 5 ta to'p kiritgan va 4 ta golli pas uzatgan.
Vinisius "qaymoqranglilar" tarkibida Ispaniyaning uch karra chempioni, bir bor Kubok sohibi bo'lgan, shuningdek, uch marta Ispaniya Superkubogi, ikki marta Chempionlar Ligasi, UEFA Superkubogi va Klublar o'rtasidagi JCH g'olibiga aylangan.
Futbolchining madridliklar bilan shartnomasi 2027 yilning iyun oyi oxirigacha mo'ljallangan.
