Туркия терма жамоаси бўлажак ўйин қандай натижа билан тугашидан қатъи назар, "D" гуруҳида тўртинчи ўринда қолади.
"Футболчиларимиз шиддатли танқидларга учраганини кўриб турибмиз ва бу уларга таъсир қилди. Биз психологик жиҳатга эътибор қаратишимиз керак.
Чунки футболчиларимизнинг шу пайтгача кўрсатган ўйинларига назар ташласак, фикримча, улар кўпроқ ҳурмат ва меҳрга лойиқдирлар.
Тўғрисини айтсам, ушбу икки ўйин статистикасига қарасангиз, у бизга бошқа нарсани англатади. Биз қўлимиздан келган барча ишни қилдик, аммо, афсуски, ўхшамади.
Натижалар кутганимиздек бўлмади, бироқ биз жамоага келганимиздан бери, ўзимиз кўрсатмоқчи бўлган футбол ҳақида гапирадиган бўлсак, эҳтимол энг юқори статистик кўрсаткичларга эришдик.
Биз доимо мухлисларимиздан қўллаб-қувватлашни сўраймиз. АҚШ билан ўйин нима бўлган тақдирда ҳам биз учун муҳим. Бизга ишқибозларнинг далдаси керак.
Футболчилар шундай кескин ва ноҳақ танқидларга дуч келган бир пайтда озгина кўпроқ далда олишлари мумкин эди.
Агар охирги бир неча йилга назар солсангиз, улар катта муваффақиятларга эришишди. Биз бу йўлни улар туфайли босиб ўтдик.
Шу боис, мен мухлисларимиздан ҳар қандай вазиятда ҳам футболчиларни қўллаб-қувватлашларини сўрайман", — деди Винченцо Монтелла.
