Unda dastlab O'zbekiston U-21 bosh murabbiyi Timur Kapadze va yarim himoyachi Jasur Jaloliddinov qatnashdi.

Assalomu alaykum. Yurtimizda bunday musobaqa bo'layotganidan xursandmiz. Turnirga tayyorgarlik yaxshi bo'ldi. Oldimizga qo'ygan maqsadimizga erishishga harakat qilamiz. Barcha jamoalarga omad tilayman,- deydi Timur Kapadze.

Murabbiyimiz aytganidek turnir O'zbekistonda bo'layotganidan xursandmiz. Turnirni uzoq yillardan beri kutyapmiz. O'ylaymanki, oldimizdagi vazifani bajaramiz,- deydi Jasur

- Tarkibga chaqirilgan aksariyat futbolchilar milliy jamoaga ham jalb qilindi. Bu sizga qiyinchilik tug'dirmaydimi?

- Bir tomondan xursandmiz. Bunday yoshda futbolchilarimiz terma jamoaga chaqirilishi yaxshi. Hozirda ular biz bilan musobaqaga tayyorgarlik ko'rishmoqda.

- 2018 yildagi chempionga erishgan jamoani bilamiz. O'sha yutuqni takrorlashni o'ylayapsizlarmi? Buning uchun bosim his qilyapsizlarmi?

- Uyda o'ynayotganimiz bizga qo'shimcha kuch va yordam beradi. Har bir musobaqa o'ziga yarasha qiyin va mas'uliyatli. Bundan ortiqcha muammo ko'rmayapman.

- Bu turnirga har bir terma jamoa maqsad bilan kelgan. Osiyo kubogiga kuchsiz terma jamoa kelmagan. Eron, Qatar barchalari kuchli jamoa. O'z rejamiz bor. O'ylaymanki, hammasi yaxshi bo'ladi.

- O'zbekistonning asosiy maqsadi nima?

- Hamma jamoa g'oliblik uchun o'ynaydi. Birinchi o'rinda guruhdan chiqib oldinga qarab yurishda davom etishimiz kerak.

- Terma jamoamizga omad tilaymiz. Tayyorgarlik jarayonida qaysi jihatlardan ko'nglingiz to'lmadi?

- Menimcha munosib hozirlik olib bordik. Turnirga tayyormiz. Terma jamoaga jalb qilinganlari eng kuchlilari.

- Yangi jamoaga o'tganingizdan so'ng ko'p o'yin amaliyotisiz qolib ketdingiz. Musobaqaga qanday holatda yetib keldingiz?

- Qayratga birinchi o'tganimda shunday holat kuzatilgandi. Murabbiy bilan uchrashganimda dastlab Osiyo chempionatiga tayyor bo'lib borishim kerak deganman. Dubay yig'inidan keyin ko'proq o'yin amaliyoti berishi boshladi. Oxirgi yig'inlarda holatimni yaxshilab oldim. Hozir bu haqida emas, maydonga chiqib vatan uchun jonni berish haqida o'ylash kerak.

Timur Kapadze: Ertangi o'yinga o'z rejamiz bor