Mazkur ro'yxatda Toshkentning "Paxtakor" klubi eng yuqori natijani qayd etdi. Ushbu jamoa futbolchilarining o'yin davomidagi to'p uzatmalari aniqligi 86 foizni tashkil qildi.
Kuchli uchlikdan Qarshining "Nasaf" hamda Namanganning "Navbahor" klublari o'rin oldi. "Nasaf" vakillarida mazkur ko'rsatkich 84 foizga teng bo'lgan bo'lsa, namanganliklar 83 foizlik aniqlik qayd etishdi.
Shuningdek, reytingdagi keyingi o'rinlarni bir xil – 82 foizlik natija bilan "Qo'qon-1912", "Lokomotiv" hamda "Neftchi" jamoalari band etishdi.
