Мукофотнинг 70 йиллиги муносабати билан ташкилотчилар ўз сайтида сўровнома ўтказиб, ишқибозларга B.O.A.T. (Ballon D’or Of All Time — "Барча даврларнинг Олтин тўпи")ни аниқлашни таклиф қилишди. Номзодлар қаторидан фақатгина камида икки марта ушбу совринни қўлга киритган футбочилар жой олишди: Лионель Месси, Криштиану Роналду, Роналдо, Марко ван Бастен, Мишель Платини, Карл-Хайнц Румменигге, Кевин Киган, Франц Беккенбауэр, Йохан Кройфф ва Альфредо Ди Стефано.
Овоз бериш учун бир евро тўлаш талаб этилди. Шу билан бирга, фойдаланувчилар ўз номзоди учун чекланмаган миқдорда овоз бериш имкониятига эга бўлишди.
Якуний ўнлик қуйидагича кўриниш олди:
1. Криштиану Роналду (2008).
2. Лионель Месси (2012).
3. Криштиану Роналду (2017).
4. Лионель Месси (2023).
5. Криштиану Роналду (2016).
6. Криштиану Роналду (2014).
7. Лионель Месси (2015).
8. Криштиану Роналду (2013).
9. Лионель Месси (2011).
10. Лионель Месси (2009).
Қолган футболчилар орасида энг юқори натижани 2002 йилги қайд этилган Роналдо кўрсатди — у 13-ўринни банд қилди.
