Frenki de Yong va Fermin Lopes "Real Sosedad"ga qarshi bahsdagi (1:2) hakamlikni tanqid qilgani uchun jazolanmaydi.
Eslatib o'tamiz, niderlandiyalik yarim himoyachi o'yindan so'ng shunday degan edi: "Xil Mansano menga xuddi "men sendan ustunman" degandek qaradi. U o'zini bunday tutmasligi kerak. Yamalning golida hech qanday ofsayd ko'rmadim".
Fermin Lopes esa Lamin Yamalning bekor qilingan goli ustidan kulib, ijtimoiy tarmoqlarga VAR epizodidan kadr va kulayotgan emodzilarni joylashtirgan edi.
As nashri bergan xabarga ko'ra, Ispaniya Qirollik futbol federatsiyasi (RFEF) intizom qo'mitasi "Barsa" o'yinchilariga nisbatan hech qanday sankciya qo'llamaslikka qaror qilgan.
