Superligada yuqori o'rinlar uchun kurashayotgan konchilar darvoza chizig'ida raqobatni kuchaytirish maqsadida jamoaga yangi posbonni jalb qildi.
23 yoshli Hamidullo Abdunabiev faoliyati davomida Toshkentning "Olimpik" va "Bunyodkor" jamoalari sharafini himoya qilib, jami 61 ta o'yinda maydonga tushgan va ularning 24 tasida darvozasini daxlsiz saqlashga muvaffaq bo'lgan. Endilikda u OKMK bilan 2,5 yillik shartnoma asosida faoliyatini davom ettiradi", - deb yozmoqda OKMK matbuot xizmati.
Championat.asia sayti ma'lumotiga ko'ra, Abdunabiev transferi uchun OKMK klubi "Bunyodkor"ga 400 million so'm o'tkazib bergan.
