PSJ darvozaboni Janluiji Donnarumma YCHL 3-turi doirasidagi "Milan"ga qarshi o'yindan kutayotgan umidlari bilan o'rtoqlashdi. Italiyalik futbolchi avvalroq "rossoneri"da o'ynagan.
"Bu hissiyotlarga boy o'yin bo'ladi. Yana "Milan"ga qarshi o'ynash boshqacha tuyg'ular taqdim etadi. Bu alohida ahamiyatga ega o'yindir. Men his-tuyg'ularimni bir chetga surib, bor e'tiborimni o'yinga qaratishim kerak.
Bu erda o'zimni juda yaxshi his qilyapman. PSJ ham xuddi "Milan" singari katta oila. "Milan"da ajoyib 8 yilni o'tkazdim. Menga bergan hamma narsa uchun klubdan minnatdorman, ammo Parijda o'zimni yaxshi his etyapman. Bu erda aql bovar qilmaydigan muhit hukm surmoqda", – dedi futbolchi.
PSJ – "Milan" uchrashuvi bugun 23:59 da boshlanadi.
