ПСЖ дарвозабони Жанлуижи Доннарумма ЕЧЛ 3-тури доирасидаги "Милан"га қарши ўйиндан кутаётган умидлари билан ўртоқлашди. Италиялик футболчи аввалроқ "россонери"да ўйнаган.
"Бу ҳиссиётларга бой ўйин бўлади. Яна "Милан"га қарши ўйнаш бошқача туйғулар тақдим этади. Бу алоҳида аҳамиятга эга ўйиндир. Мен ҳис-туйғуларимни бир четга суриб, бор эътиборимни ўйинга қаратишим керак.
Бу ерда ўзимни жуда яхши ҳис қиляпман. ПСЖ ҳам худди "Милан" сингари катта оила. "Милан"да ажойиб 8 йилни ўтказдим. Менга берган ҳамма нарса учун клубдан миннатдорман, аммо Парижда ўзимни яхши ҳис этяпман. Бу ерда ақл бовар қилмайдиган муҳит ҳукм сурмоқда", – деди футболчи.
ПСЖ – "Милан" учрашуви бугун 23:59 да бошланади.
