O'zbekiston U-17 o'smirlar terma jamoasi Ispaniyadagi xalqaro turnirda ishtirok etadi

O'smirlar o'rtasidagi (U-17) jahon chempionatiga tayyorgarlik ko'rayotgan O'zbekiston U-17 o'smirlar terma jamoasi 30 sentyabr - 4 oktyabr kunlari Ispaniyaning Marbelya shahri mezbonlik qiladigan U-17 o'smirlar terma jamoalari o'rtasidagi xalqaro turnirda ishtirok etadi. Mazkur musobaqada, O'zbekiston o'smirlar terma jamoasidan tashqari Argentina, Kot d‘ Ivuar hamda Meksika o'smirlar (U-17) terma jamoalari qatnashadi.

Takidlash joiz, yuqorida nomlari keltirilgan terma jamoalarning barchasi shu yilning oktyabr oyida BAA mamlakatida start oladigan U-17 o'smirlar o'rtasidagi jahon chempionati final bosqichi ishtirokchilari sanalishadi.

Ispaniyadagi xalqaro turnir Nuraliev shogirdlari uchun oktyabr oyida boshlanadigan o'smirlar o'rtasidagi jahon chempionati bahslaridan oldingi so'nggi tayyorgarlik vazifasini o'tab beradi. O'zbekiston o'smirlar terma jamoasi turnirdagi dastlabki uchrashuvida 30 sentyabr kuni Kot d‘ Ivuar o'smirlar terma jamoasiga qarshi to'p suradi. Nuraliev shogirdlari 2 oktyabr kuni Meksika o'smirlar terma jamoasiga qarshi o'ynasa, turnirdagi so'nggi uchrashuvda 4 oktyabr kuni Argentina o'smirlari O'zbekistonga raqiblik qiladi.

U-17 o'smirlar o'rastidagi Xalqaro turnir.
30 sentyabr - 4 oktyabr. Marbelya, Ispaniya

30 sentyabr.
O'zbekiston (U-17) - Kot d‘ Ivuar (U-17)

2 oktyabr.
O'zbekiston (U-17) - Meksika (U-17)

4 oktyabr.
Argentina (U-17) - O'zbekiston (U-17)