Tomonlarning kelishuviga ko'ra, mazkur uchrashuvda har ikki jamoaning 1996-1997 yillarda tavallud topgan (yoki undan kichik bo'lgan) futbolchilari ishtirok etadi.

Shu o'rinda o'yinga aloqador eksklyuziv malumotni keltirishni lozim topdik. Olmaliqda o'tkaziladigan o'yinga rossiyalik hamkasblarimiz tashrif buyurishadi. Mazkur tashrif “Sport” telekanali bilan hamkorlikda amalga oshirilyapti.

Yurtimizga teletranslyaciya olamida o'z o'rniga ega bo'lgan Vek XXL televizion kompaniyasi vakillari kelishmoqda. 1992 yili Moskva shahrida asos solingan ushbu kompaniyaga Yuriy Dmitriev rahbarlik qilyapti. Aynan shu inson rahbarligidagi delegaciya bugun Toshkentga etib kelishi kerak.

Televizion translyaciyalarning texnik va tashkiliy masalalariga yordam berib kelayotgan ushbu kompaniya mana bir necha yidirki, Rossiya va Evropa telekommunikaciya bozorida etakchilik qilmoqda.

“Vek XXL” kompaniyasi parkida ko'plab HD formatdagi KTS (ko'chma televizion studiya), 8, 12, 16, 32 ta kameradan iborat KAMAZ-Ajokki, Mercedes Atego, Mercedes ACTROS 1841 LX 4x2 KTSlar mavjud.

“Vek XXL” Rossiya va MDH mamlakalariga nufuzli tadbirlarning to'g'ridan-to'g'ri translyaciyasini amalga oshirgan:

- Ikkinchi Jahon urushidagi g'alabaning 60-yilligi (Moskva, 2005);

- Ikkinchi Jahon urushidagi g'alabaning 70-yilligi (Moskva, 2015);

- “Katta Sakkizlik”ka azo mamlakatlarning yig'ilishi (Sankt-Peterburg, 2006);

- Engil atletika bo'yicha Jahon chempionatlari (2005-yildan to shu kungacha);

- Gandbol bo'yicha Jahon chempionati (2005-yildan to shu kungacha);

- Basketbol bo'yicha Evroliga bahslari. Final 4 (2005-yildan to shu kungacha);

- UEFA Kubogi va Chempionlar ligasi (2005-yildan to shu kungacha);

- Xokkey bo'yicha Jahon chempionatlari (2006-yildan to shu kungacha);

- Evro-2008 doirasidagi o'yinlar: Rossiya - Xorvatiya, Rossiya - Isroil, Rossiya - Estoniya; Evro-2012 hamda Evro-2016 doirasidagi uchrashuvlar;

- Bundan tashqari, turli yosh toifasidagi Jahon va Evropa chempionatlari;

- Pol Makkartning Moskvadagi koncerti;

O'zbekiston - Rossiya. O'yinga rossiyalik hamkasblarimiz tashrif buyurishadi