Dastlab finalda nominal mezbon bo'lgan “Bunyodkor”ning yo'lini taqdim etamiz. Toshkentning “Bunyodkor” klubi bu yilgi O'zbekiston kubogi bahslarini 1/8 finaldan boshladi.

Bu bosqichda “qaldirg'ochlar” birinchi liga vakili bo'lgan Toshkentning “Obod” klubiga qarshi o'ynagan. “Bunyodkor” maydonida bo'lib o'tgan ilk bahsda Samir Bekrich tomonidan urilgan gol mezbonlarga g'alaba keltirgan – 1:0.

Javob bahsida ham Samir Bekrich hisobni ochgandi, oradan 2 daqiqa o'tgach “Obod” vakili Kamoliddin Tojiboev hisobni tenglashtirgandi – 1:1. Qizig'i Tojiboev “Bunyodkor”ning sobiq futbolchisi hisoblanadi.

“Bunyodkor” – “Obod” 1:0
Gol: Samir Bekrich 3
“Bunyodkor”: Pavel Bugalo, Anvar G'ofurov, Ivan Miloshevich, Obid Jo'raboev, Akmal Shorahmedov, Shaker Zuagi, Minori Sato, Samir Bekrich (Mirzohid G'ofurov, 53), Sardor Rashidov, Sardor Sobirxo'jaev, Anvar Berdiev (Temur Ayupov, 46)

“Obod” – “Bunyodkor” 1:1
Gollar: Kamoliddin Tojiboev 86 – Samir Bekrich 84
“Bunyodkor”: Akbar To'raev, Artyom Filiposyan, Obid Jo'raboev, Otabek Shukurov, Rustam Ashurmatov, Akrom Komilov, Xurshid G'iyosov, Samir Bekrich, Mirzohid G'ofurov (Doston Hamdamov, 46), Sardor Sobirxo'jaev (Javlon Ibrohimov, 75), Anvar Berdiev (Vohid Shodiev, 60).

Chorak finalda Sergey Lushan shogirdlari Jizzaxning “So'g'diyona” to'sig'idan o'tishdi. Final o'yini bo'lib o'tadigan stadionda o'tgan dastlabki bahsda “qaldirg'ochlar”ga Doston Hamdamovning ikkita goli g'alaba keltirgandi. Maydon egalari hujumchisi Jasur Hakimovning goli faqat hisobni qisqartirishga xizmat qilgan – 1:2.

Toshkentdagi “Jar” stadionida kechgan javob o'yinida ham Doston Hamdamov gol urishga muvaffaq bo'lgan. Vohid Shodievning to'pi esa yakuniy natijani o'rnatgandi -2:0. E'tiborlisi birinchi o'yinda “So'g'diyona” safida o'ynagan Anvar Rajabov ikkinchi uchrashuvni “Bunyodkor” safida o'tkazgan.

“So'g'diyona” – “Bunyodkor” 1:2
Gollar: Jasur Hakimov 39 – Doston Hamdamov 2, Doston Hamdamov 48.
“Bunyodkor”: Akbar To'raev, Xayrulla Karimov, Anvar G'ofurov, Artyom Filiposyan, Akmal Shorahmedov, Otabek Shukurov (Nuriddin Hasanov, 85), Javlon Ibrohimov, Sardor Sobirxo'jaev, Doston Hamdamov, Zabihillo O'rinboev, Eldor Shomurodov (Sardor Azimov, 72)

“Bunyodkor” – “So'g'diyona” 2:0
Gollar: Doston Hamdamov 73, Vohid Shodiev 81
“Bunyodkor”: Murod Zuhurov, Ivan Miloshevich, Akmal Shorahmedov, Rustam Ashurmatov, Akrom Komilov, Shaker Zuagi (Dilshod Jo'raev, 64), Minori Sato, Javlon Ibrohimov, Doston Hamdamov, Anvar Rajabov (Vohid Shodiev, 55), Eldor Shomurodov (Viktor Karpenko, 77)

Nihoyat yarim finalda “qaldirg'ochlar” “Paxtakor” bilan to'qnash kelishdi. Ko'p narsa dastlabki o'yinda hal bo'ldi. Doston Hamdamovning tezkor goliga “sherlar” Oraxovacning goli bilan javob berishdi. Birinchi bo'limda Zabihillo O'rinboev yana “qaldirg'ochlar”ni oldinga olib chiqqandi. Kaxi Maxaradze hisobni tenglashtirishga muvaffaq bo'lgan. Zaxiradan maydonga tushgan Akrom Komilovning goli “Bunyodkor”ga raqib maydonidan g'alaba bilan qaytishini taminlagandi – 3:2.
Javob uchrashuv taqdirini Eldor Shomurodov tomonidan urilgan gol hal qilgandi. 25-daqiqada urilgan goldan so'ng “Paxtakor” finalga chiqishi uchun 3ta gol urishi kerak edi. “Bunyodkor” bunga yo'l qo'ymadi va o'z tarixida 8-bor finalga yo'l oldi.

“Paxtakor” – “Bunyodkor” 2:3
Gollar: Adnan Oraxovac 24, Kaxi Maxaradze 68 – Doston Hamdamov 3, Zabihillo O'rinboev 35, Akrom Komilov 75.
“Bunyodkor”: Murodjon Zuhurov, Xayrulla Karimov, Ivan Miloshevich, Akmal Shorahmedov, Rustam Ashurmatov (Akrom Komilov, 72), Shaker Zuagi, Minori Sato, Dilshod Jo'raev, Doston Hamdamov, Zabihillo O'rinboev (Anvar Rajabov, 73), Eldor Shomurodov (Vohid Shodiev, 85)

“Bunyodkor” – “Paxtakor” 1:0
Gol: Eldor Shomurodov 25
“Bunyodkor”: Murodjon Zuhurov, Xayrulla Karimov, Ivan Miloshevich, Akmal Shorahmedov, Akrom Komilov, Shaker Zuagi, Minori Sato, Dilshod Jo'raev, Doston Hamdamov (Samir Bekrich, 83), Zabihillo O'rinboev (Vohid Shodiev, 79), Eldor Shomurodov (Viktor Karpenko, 71)

Birozdan so'ng Qarshining “Nasaf” klubi bosib o'tgan yo'lni taqdim etamiz. Eslatib o'tamiz, “Bunyodkor” va “Nasaf” o'rtasidagi final uchrashuvi 17 oktyabr kuni Jizzax shahridagi yangi stadionda bo'lib o'tadi. O'yin soat 17:00da boshlanadi.

Narzulla Saydullaev

O'zbekiston kubogi. "Bunyodkor"ning finalga qadar bosib o'tgan yo'li