Yevropa maydonlarida doimiy ishtirokchi hisoblangan "Lex" jamoasiga qarshi bahs olmaliqliklar uchun katta tajriba bo'ldi.
Uchrashuvning birinchi bo'limida "Lex" futbolchilari faollik ko'rsatishdi. Jumladan, 8-daqiqadayoq Praysnar hisobni ochgan bo'lsa, bo'lim yakunida Ismael hisobni 0:2 ko'rinishiga keltirib qo'ydi. Ikkinchi bo'limda Mirjalol Qosimov tarkibni deyarli to'liq yangiladi. O'yin yakunlanishi arafasida Akbar O'ktamov (85-daqiqa) bitta javob to'pini kiritib, farqni qisqartirishga muvaffaq bo'ldi.
Nazorat uchrashuvi
OKMK (O'zbekiston) - "Lex" (Polsha) 1:2
Gollar: Akbar O'ktamov (85) - Praysnar (8), Ismael (42).
OKMK (1-bo'lim): Javohir Ilyosov, Eldor Begimov, Shahzod Toirov, Abror Karimov, Saidafzalxon Ahrorov, Rian Islomov, Giorgi Papava, Arihiro Sentoku, Asad Sobirjonov, Naoaki Senaga, David Sxirtladze (ko'rikda).
OKMK (2-bo'lim): Hamidullo Abdunabiev, Saidakbar Sharipov, Abubakr Rizo Turdialiev, Asror Otaxonov, Ahmadullo Muqimjonov, Sherzod Komilov, Mirjamol Qosimov, Hazrat Tursunqulov, Akbar O'ktamov, Komil Tojiddinov, Ali Abdurahmonov.
