Qarshiliklar 1-turda Qirg'izistonning "Oloy" jamoasini 4:0 hisobida mag'lub etgandilar. 2-turda esa mezbon "Xo'jand" jamoasi 3:0 hisobida taslim etildi. "Oltin Asr" esa bungacha 1 ta g'alaba va 1 ta durang qayd etgan.
Bugun g'alaba yoki durang hamyurtlarimizni pley-off bosqichiga olib chiqadi. Turkmanistonliklarni esa faqat g'alaba qoniqtiradi. Mazkur bahs guruh g'olibi nomiga aniqlik kiritib beradi.
Eslatib o'tamiz, OFK kubogida o'yinlar 3 ta turdan iborat va faqatgina birinchi o'rinni egallagan jamoalar avgust oyida o'tkaziladigan pley-off bahslariga yo'llanma olishadi.
"Nasaf" ishtirokidagi o'yin bugun bizning vaqt bilan soat 17:00 da boshlanadi. Uchrashuv championat.asia saytida matnli translyatsiya qilinadi va "Uzreport" telekanali orqali jonli efirda namoyish etiladi.
