Ўйинда ҳисоб саудияликлар форварди Бафетимби Гомиснинг автоголидан сўнг очилди. Кейин эса 1-таймнинг ўрталарида Гомиснинг ўзи хатосини тўғирлаб, орадаги фарқни тиклади. 35-дақиқада эса қатарликлар ҳимоячиси Абдулкарим Ҳасан қўполлиги учун иккинчи сариқни олиб, майдондан четлатилди. Тайм охирларида Али Ал-Булайхи ҳисобни 1:2 кўринишига олиб келди. 2-бўлим бошида бу сафар «Ал-Садд» аъзоси Салим ал-Ҳажри ўз дарвозасини ишғол этиб қўйди – 1:3. 67-дақиқада «Ал-Ҳилол» аъзоси Муҳаммад Аш-Шалхуб баҳсдаги якуний натижани (1:4) белгилади.
Эслатиб ўтамиз, жамоалар ўртасидаги жавоб баҳси 22 октябрь куни ўтказилади.
