"Қалдирғочлар" пенальтилар сериясида рақибидан устун келди ва чорак финалга йўл олди. Учрашувдан сўнг "Бунёдкор" жамоаси футболчиси Наримон Аҳмаджонов фикрларини билдирди.
"Ўйинга яхши тайёргарлик кўрдик, қийин бўлишини билардик. Мураббийларимизни кўрсатмаларини тўлиқ бажаришга ҳаракат қилдик. Худога шукрки, ғалаба қозондик.
Қўлимдан келганча ҳаракат қиляпман. Илёс Зайтуллаев ишонч билдиряпти, мен эса бор имкониятим билан бу ишончни оқлашга интиляпман. Худо хоҳласа, "Бунёдкор" билан чемпион бўлиш ниятим бор.
Пенальтилар сериясига келсак, бу ҳолат ҳар қандай футболчининг бошида бўлиши мумкин. Имкон қадар аниқ зарба беришга ҳаракат қилдим. Кўрганингиздек, дарвозабон жойидан 1 метрча чизиқдан чиқиб кетган экан. Бу каби ҳолатда дарвозани ишғол қилиш осон эмас. Кейинги зарбада ўзимга келдим ва гол уришга муваффақ бўлдим", – деди Наримон Аҳмаджонов.
