"Криштиану доимо ёрдам беришга тайёр – савол қандай қилибда. Унга 90 дақиқа ўйнаш шарт эмас. Баъзан 10-20 дақиқа етарли.
У бошланғич таркибда чиқиши мумкин, агар чарчаган бўлса ёки ҳисобни ушлаб қолиш керак бўлса мураббий янги ўйинчини майдонга тушириши мумкин", – деди МЮ ва Португалия терма жамоасининг собиқ ярим ҳимоячиси Нани "Мяч Production" YouTube-каналига берган интервюсида.
Нани шунингдек, Португалия терма жамоасининг ўйин услуби ҳақида ҳам гапирди.
"Биз ўзимизнинг ўзига хослигимизнинг бир қисмини йўқотдик: илгари биз олға интилардик, хавфли вазиятлар яратар эдик, узоқдан зарба берардик. Ҳозир жуда эҳтиёткор ўйнаяпмиз – гўё тўпни дарвозага итариб киритишни хоҳлаётгандек", – деди 38 ёшли Нани.
Португалия Миллатлар Лигаси ярим финалида Германияга қарши ўйнайди. Ўйин 4 июнь куни бўлиб ўтади.
