MYU Mourinyo va uning shtabiga 22 million evrodan ko'proq mablag'ni to'lab berdi

“Manchester Yunayted” klubi jamoaning sobiq bosh murabbiyi Joze Mourinyo va uning shtabiga qancha miqdordagi mablag'ni to'lab bergani ma'lum bo'ldi.

Sky Sports nashrining xabariga ko'ra, “qizil iblislar” rahbariyati portugaliyalik murabbiy vauning yordamchilari hisobiga 19,6 million funt sterling (22,3 million evro) mablag'ni ko'chirib berganligi oydinlashdi.

Eslatib o'tamiz, Mourinyo o'tgan yilning 18 dekabrida jamoa azaliy raqibi “Liverpul”ga imkoniyatni boy berganidan so'ng MYU bosh murabbiyligidan iste'foga chiqarilgandi. Portugaliyalik murabbiyi ingliz klubi bilan uchta sovrin – Angliya Liga kubogi, Yevropa Ligasi va Angliya Superkubogida g'olib chiqqan.


Manba: Sky Sports