Учрашувдан сўнг терма жамоамиз етакчиси Муҳаммадали Ўринбоев фикрлари билан ўртоқлашди.
"Бу ғалабани барча оила аъзоларимга, халқимизга бағишладик. Чорак финалга тайёргарлик бошланди. Ҳа, Вьетнам мухлислари кўпчиликни ташкил қилди. Лекин ўзбекистонлик ишқибозларга ҳам катта раҳмат.
Ўйин бошланиши қийин бўлди. Лекин биринчи голдан сўнг устунлик томонимизга ўтди. Якунда ғалаба қозондик. Вазифамиз ҳар бир ўйинда ғалаба қозониб чемпионликка интилиш. Ҳаммага омад тилаймиз. Рақиб ким бўлишидан қатъий назар мақсадимиз сари курашамиз.
Ўтган мавсумда жароҳатлар тўсқинлик қилди. Лекин мавсум олди йиғинлар яхши ўтди. Осиё ўйинларидан сўнг клубимда ҳам ўзимни кўрсатишга ҳаракат қиламан",- дейди Муҳаммадали Ўринбоев.
