Meksika prezidenti Klaudiya Sheynbaum Eronning JCH-2026 dagi o'yinlarini mamlakatga ko'chirish ehtimoli muammo tug'dirmasligini aytdi. Avvalroq, Eron futbol federatsiyasi prezidenti Mehdi Toj o'z terma jamoasining JCH-2026 dagi o'yinlarini AQSHdan Meksikaga ko'chirish bo'yicha muzokaralar olib borilayotganini ma'lum qilgandi. FIFA esa turnirning barcha o'yinlari avval e'lon qilingan jadvalga muvofiq o'tishini kutmoqda.
– Meksikaning jahon chempionatida Eron o'yinlariga mezbonlik qilishi uchun sharoit bormi?
– Bu masala ko'rib chiqilmoqda, vaqti kelganda sizga xabar beramiz. Meksika dunyoning barcha mamlakatlari bilan aloqalarni qo'llab-quvvatlaydi. FIFA qanday qaror qabul qilishini ko'raylikchi, shundan so'ng yangilangan ma'lumotlarni taqdim etamiz.
– Demak, Meksika uchun bu muammo emas, shunchaki FIFAdagi logistika masalasi, shundaymi?
– Ha, - dedi Sheynbaum.
