- Bugungi uchrashuv haqidagi fikrlaringiz?
- Birinchi navbatda, o'yinimiz muxlislarga maqul keldi deb o'ylayman. Shunday o'yinlar bo'lib turadi, to'p darvozaga kirmaydi. Lekin o'yin so'ngida o'z vazifamizni bajardik va natijani qo'lga kiritdik.
- Azmiddinovning diskvalifikaciyasi sabab bugun Hamrobekov himoyada o'ynadi. Boshqa himoyachilarga imkon berib ko'rsangiz ham bo'lar edi-ku?
- Ha, bizda boshqa variantlar bor edi. Masalan, Hamraliev varianti bor edi, lekin u olimpiya terma jamoasi bilan edi va Xitoyda qanday o'ynaganini bilmayman. Odilga ushbu poziciyani ishona olganim sabab, bunday o'zgarishga qo'l urdik. So'nggi vaqtlarda Diyor ham yaxshi o'yin namoyish etmoqda. U o'zi uchun yangi poziciya kashf etmoqda.
- Keyingi uchrashuvlarda Diyorni yana ushbu poziciyada ko'ramizmi?
- Bo'lishi mumkin, biz har doim eng yaxshi variantni tanlaymiz.
- Bugun Hamrobekov va Xolmatovlarning o'yinidan qo'nglingiz to'ldimi?
- Bugun barcha o'yinchilardan ko'nglim to'ldi. Biz ko'p hujum qildik va g'alabaga loyiq edik deb o'ylayman. Raqib ikkinchi taym so'ngida 6 ta himoyachi bilan o'ynashga majbur bo'ldi. O'yin so'ngida g'alabaga erishdik va bugungi uchrashuv adolatli natija bilan yakunlandi.
- Terma jamoalar murabbiylari, futbolchilarning jismoniy holati bo'yicha ko'p nolishadi. Bunga sizning fikringiz qanday?
- To'g'risi, ular aynan qaysi futbolchilarning jismoniy holati haqida gapirishganini bilmayman, lekin men o'z futbolchilarimning jismoniy holatiga javob bera olaman. Futbolchilardan so'rang, mashg'ulot anjumanlari qanday o'tishini.
- Fayzullaev maydon o'rtasida o'ynaganida ancha faolroq o'yin namoyish etmoqda. Nega Abbosni klubda ko'proq qanotda ko'ramiz?
- Fayzullaevni maydon markazida yaxshiroq o'ynaydi, demagan bo'lardim. O'tgan mavsumning so'nggi qismini ko'rib chiqing, u qanotda qanday yorqin o'yin namoyish etganini bilib olasiz. Fayzullaev juda aqlii va tezkor futbolchi, shu sababdan u har hil poziciyalarda birdek yaxshi o'ynay oladi.
