- Debyut qilishni ikki yil kutdim. Menimcha birinchi o'yinim yomon bo'lgani yo'q. Albatta, barchada bo'lganidek o'yinga tushishdan oldin biroz hayajonlandim. O'sha vaqtda durang qayd etilayotgandi. "Lokomotiv"ga g'alaba kerakligini hisobga olsak, o'yinga hujumkor futbolchi maydonga tushsa kerak deb o'ylagandim. Bosh murabbiy aynan meni maydonga tushirishini esa kutmagandim. Menga imkoniyat bergani uchun Andrey Vitalevichga minnatdorchilik bildiraman.
"Bunyodkor"ga qarshi o'yin anchagina qiziqarli va jangovor ruhda o'tadi. Ushbu uchrashuvga tayyorgarlik yaxshi ketmoqda. Barchaning e'tibori yaqinlashib kelayotgan o'yinga qaratilgan. Bahsda g'alaba qozonib, uch ochko qo'lga kiritishga harakat qilamiz.
