“Lokomotiv” bolalari “Mustaqillik kubogi” sovrindori

Narzulla Saydullayev
26 avg 2014
Toshkentdagi “To'qimachi” stadionida 22-25 avgust kunlari bo'lib o'tgan “Mustaqillik kubogi” musobaqasida “Lokomotiv”ning 2007-2008 yillarda tug'ilgan bolalaridan tashkil topgan jamoasi ishtirok etdi va faxrli ikkinchi o'rinni qo'lga kiritishga muvaffaq bo'ldi.
Turnirda yosh temiryo'lchilar “Bunyodkor”, “Istiqlol”, “Spartak” kabi jamoalarga qarshi maydonga chiqishdi.

“Spartak”ni 6:1, “Istiqlol”ni 2:1 hisobida mag'lub qilgan “Lokomotiv”, “Bunyodkor”ga 1:2 hisobida imkoniyatni boy berdi. “Bunyodkor” ushbu musobaqa g'olibiga aylangan bo'lsa, “Lokomotiv” shoxsupaning ikkinchi pog'onasiga ega chiqdi.

Ta'kidlab o'tish lozimki, Erkin Saidov rahbarligi ostidagi futbol maktabining ushbu jamoasiga Sunnat Ro'ziev murabbiylik qilmoqda.



Narzulla SaydullayevMuallif
Manba: lokomotiv.uz