– Бугун Габон дарвозасига иккита гол урдингиз. Ўйин ва жамоангизнинг турнирдаги иштироки ҳақида фикрларингиз қандай?
– Биласизми, таркибимизда ёш йигитлар кўп. Бу ерда бўлишнинг ўзи катта бахт. Менимча, биз жуда яхши ўйнадик. Афсуски, хоҳлаган натижамизга эриша олмадик, лекин жамоамиз яхши ҳаракат қиляпти. Биз ўсиш жараёнидамиз.
– Венесуэлага қарши биринчи ўйинда ҳисоб 0:0 бўлиб турганида пенальтидан унумли фойдалана олмадингиз. Бугун ҳам Габонга қарши ҳал қилувчи пенальтида адашдингиз. Жамоа сардори сифатида кетма-кет келган муваффақиятсизликлар психологик жиҳатдан сизга қандай таъсир ўтказди?
– Футболчи сифатида бундай ҳолатлар ҳамиша учраб туради. Шунча вақтдан бери футбол ўйнаб, шуни англадимки, сизда кейинги ўйинда ўзингизни кўрсатиш имконияти бўлади. Венесуэлага пенальтидан гол ура олмадим, лекин бугун ўйин давомида иккита тўп киритдим. Муҳим пенальтини амалга ошира олмадим, лекин бу футбол ва мен бундан сабоқ чиқараман.
– Ўзбекистонда ўтказилган FIFA Series турнири ҳақида таассуротларингиз қандай? Тошкентдаги футбол муҳити ҳақида нима дея оласиз?
– 10 балли тизимда 10 баллга баҳолайман. Ҳаммаси аъло даражада ташкил этилган. Турнир жуда яхши ўтди. Биз бу ерда эканлигимиздан хурсандмиз. Умид қиламанки, кейинги сафар бундан яхшироқ натижага эришамиз.
