Луис Альберто "Лацио" билан янги шартнома имзолади, деб хабар берди римликлар расмий сайти.
Шартнома икки йилга – 2027 йилнинг ёзига қадар узайтирилди.
Луис Альберто 2016 йилдан бери "Лацио" шарафини ҳимоя қилиб келмоқда. У Рим клуби сафида 271 та ўйин ўтказиб, 49 та гол урган ва 70 та голга ассистентлик қилган. Испаниялик футболчи "Лацио" билан Италия Кубоги ва икки марта Италия Суперкубогини қўлга киритган.
