Endilikda “Liverpul” klubining sobiq yarim himoyachisi “Barselona” 14-raqam ostida harakat qiladi, deb xabar bermoqda Sky Sports nashri. Kecha, yani 8 yanvar kuni Kataloniya klubi Koutinoning taqdimot marosimini o'tkazgan, lekin futbolchi qaysi raqamni olishini oshkor qilmagandi.
Ma'lumotda aytilishicha, braziliyalik yarim himoyachiga 14-raqam topshiriladi. Hozirda bu raqamli futbolka himoyachi Xaver Maskeranoga tegishli. Lekin 33 yoshli argentinalik shu oyda Xitoy klubiga ko'chib o'tgach, bu raqam egasiz qoladi.
Takidlash joiz, “Barselona”da o'z vaqtida 14-raqam ostida gollandiyalik mashhur futbolchi Yoxan Kruiff to'p tepgandi. “Liverpul” klubida Koutino “Barselona”da Messiga tegishli bo'lgan 10-raqam ostida o'ynardi.
