Saudiya Arabistoni chempionati klublari "shaharliklar"ning hujumkor yarim himoyachisi Kevin De Bryuynega jiddiy qiziqish bildirmoqda.
"GiveMeSport" ma'lumotlariga ko'ra, ikkinchi diviziondagi "Neom" klubidan tashqari futbolchiga "Al Qodisiya" tomonidan qiziqish bo'lyapti. Shuningdek, u Yevropa klublari va Amerikaning "San-Diego" jamoasidan takliflar olgan.
Avvalroq De Bryuyne mavsum oxirida "Manchester Siti"ni tark etishini e'lon qilgandi. U joriy mavsum 30 o'yinda 4 ta gol urdi va 7 ta golli pas uzatdi.
