"Анчелоттининг биринчи жаҳон чемпионати бўлишига қарамай, у босим остидаги вазиятларда, ечим топиш керак бўлган мураккаб ҳолатларда катта тажрибага эга. Ишонаманки, у бу вазиятдан ҳам чиқиш йўлини топади.
Жаҳон чемпионати биринчи ўйинда ютилмайди. Яқинда Аргентина терма жамоаси биринчи ўйинда мағлуб бўлиб, кейинчалик турнирда ғолиб чиққанини мисол қилишимиз мумкин. Жамоада тайёргарлик кўриш, хатоларни тўғрилаш ва иккинчи ўйинда анча яхшироқ ўйнаш учун вақт бўлади", – деди собиқ футболчи.
Кака, шунингдек, вингер Винисиуснинг жамоадаги роли ҳақида ҳам тўхталиб ўтди.
"Ўзим ўйнаган пайтларим матбуотни кузатардим. Менга йўлланган танқидларни такрорланмаслиги учун мотивация сифатида қабул қилардим.
Вини доимо савол остига олинади, танқид қилинади ва мақталади. У дунёдаги энг катта клуб – "Реал" ва энг буюк терма жамоа – Бразилия шарафини ҳимоя қилаётганини тушуниши керак.
У бу масъулиятни хотиржамлик билан қабул қилиши ва жамоа етакчиларидан бири эканини англаб етиши лозим. У танқидлардан қочиб қутула олмайди ва ўз бурчларидан ҳам бош торта олмайди.
Ишонаманки, ушбу Жаҳон чемпионатида Вини ўзининг ҳақиқий қиёфасини ва тўп билан нималарга қодир эканини кўрсатади.
У ғайратга тўла, ўзига ишончи баланд – мен у билан мунтазам мулоқот қиламан.
Унга омад тилайман, чунки у муҳим совринни ютишга ҳаракат қилаётган ушбу жамоанинг асосий фигураларидан бири", – деди Кака.
