Шунингдек, португалиялик мутахассис "Рома" раҳбарияти ва Франческо Тотти ҳақида ҳам гапирди.
"Интер" бу йил требл қайд этишга қодир. Албатта, умид қиламанки, улар буни уддалай олмайди. Аммо жамоада бундай муваффақиятга эришиш учун барча имкониятлар мавжуд", — деди Моуринью Corriere dello Sport нашрига.
Мутахассис "Рома"нинг америкалик эгалари — Дэн ва Райан Фридкинлар билан муносабатлари ҳақида ҳам тўхталди.
"Агар Римда Фридкинлар оиласи билан учрашиб қолсам, ҳеч қандай муаммосиз хотиржам саломлашаман. Мен умуман хафагарчиликни сақлаб юришни билмайман.
Бироқ Франческо Тоттидек афсона ҳалигача нима учун "Рома" манфаати учун ишламаётганини чин дилдан тушунмайман", — дея қўшимча қилди португалиялик мутахассис.
Эслатиб ўтамиз, Моуринью бошчилигида "Интер" 2009/10 йилги мавсумда Чемпионлар лигаси, Италия чемпионати ва мамлакат кубогида ғолиб чиқиб, требл қайд этганди.
Моуринью 2024 йил январь ойида "Рома" бош мураббийи лавозимини тарк этган. Бунга клуб эгалари Дэн ва Райан Фридкинлар қабул қилган қарор сабаб бўлган.
