Ushbu voqea tufayli mundial ishtirokchilari soni oshirilgan jahon chempionatlarini yodga olamiz.

JCH-1930 Urugvay

Futbol tarixidagi ilk jahon chempionati 1930 yil Urugvayda o'tkazilgan. O'sha mundialda bor-yo'g'i 13 ta mamlakat ishtirok etgan. 13-30 iyul kunlari o'tkazilgan ushbu musobaqada Urugvay, Argentina, Chili, Fransiya, Meksika, Yugoslaviya, Braziliya, Boliviya, Ruminiya, Peru, AQSH, Paragvay va Belgiya ishtirok etgan. Birinchi jahon chempioni ilk mundial mezboni Urugvay terma jamoasi bo'lgan.

JCH-1934 Italiya

Ikkinchi jahon chempionatidagi ishtirokchilar soni 16 taga etdi. 4 ta guruhdagi jamoalar sonini tenglashtirish uchun shu qarorga kelindi. Mundialga chiqish uchun ilk marotaba 32 ta jamoa saralash bahslarida ishtirok etdi. Amaldagi jahon chempioni bo'lgan Urugvay ushbu musobaqada ishtirok etmadi. Bu turnirda ham musobaqa mezboni g'olib bo'ldi. Italiya finalda Chexoslovakiyani 2:1 hisobida taslim etdi.

JCH-1982 Ispaniya

Ispaniyada o'tgan mundialda jahon chempionati ishtirokchilari soni 24 taga etdi. Birinchi 4 ta jamoadan tashkil topgan 6 ta guruh tashkil etildi. Jazoir, Kamerun, Gonduras, Quvayt va Yangi Zelandiya birinchi marotaba ushbu musobaqada ishtirok etishdi. Guruh bosqichini muvaffaqiyatli yakunlagan 12 ta jamoalar uchun navbatdagi 3 ta jamoadan tashkil topgan 4 ta guruhga bo'lindi. Ikkinchi bosqichdagi guruh g'oliblari yarim final yo'llanmasini qo'lga kiritishdi. Ushbu mundialda ham Italiya g'olib bo'ladi.

JCH-1998 Fransiya

Fransiya maydonlarida o'tgan 1998 yilgi jahon chempionatida 32 ta jamoa qatnashdi. Ushbu mundialda 64 ta o'yin o'tkazildi. Fransiyadagi jahon chempionatida 32 ta jamoa 8 ta guruhga bo'lindi va guruh bosqichidan so'ng, pley-off o'yinlari o'tkazila boshlandi. Turnir finalida Braziliya va Fransiya to'qnash keladi. Hozirda "Real" bosh murabbiyi sifatida ishlayotgan Zinedin Zidan braziliyaliklar darvozasiga 2 ta gol urib, o'z mamlakatiga jahon chempioni nomini olib beradi.

JCH-2026

FIFAning amaldagi prezidenti Janni Infantino futbol faqat Yevropa va Janubiy Amerika emasligini aytib, boshqa mamlakatlarga ham imkon berish niyatida mundial ishtirokchilari sonini 48 taga etkazish taklifini berdi. 2017 yil 10 yanvar kuni o'tkazilgan FIFA yig'ilishida ushba taklif qo'llab-quvvatlandi va 2026 yildagi mundialda 48 ta jamoa ishtirok etishi rasman tasdiqlandi. Hozircha mezbonlik qilishi noma'lum bo'lgan jahon chempionati formati quyidagicha bo'ladi: 3 ta jamoadan tashkil topgan 16 ta guruh tashkil etiladi. Guruhda birinchi va ikkinchi o'rinni olganlar turnirning pley-off bosqichiga o'tadi va g'olib finalda aniqlanadi.

Jahon chempionatlari evolyuciyasi