"Opta Sports" статистик порталининг хабар беришича, Гонсало Гарсия XXI асрда "Реал" таркибида Ла Лигадаги дебют голини хет-трик орқали расмийлаштирган иккинчи футболчига айланди. Бунгача бундай натижага ван Нистелрой 2006 йил сентябрида "Леванте"га қарши ўйинда (4:1) эришган эди.
21 ёшли Гонсало Гарсия жорий мавсум "қаймоқранглилар" либосида 18 ўйинда (418 дақиқа) майдонга тушиб, 3 та гол урди ва 1 та голли узатмани амалга оширди.
