— Воқеалар бунчалик тез ривожланганидан ҳайратда эмасмисиз? Хаби Алонсо атиги 8 ой ишлади...
— Ростини айтсам, йўқ. Мен «Реал» қандай ишлашини яхши биламан: агар натижа бўлмаса, кетасан. Шунчаки содир бўлди. Бу ачинарли, лекин «Мадрид» дунёси шунақа. Ҳозирги кунда катта клубларда мураббий бўлиш жуда қийин.
— Хаби Алонсо футболчи сифатида шу кийиниш хонасида бўлган. Балки у мураббий сифатида ишлаш қанчалик қийинлигини паст баҳолагандир?
— Бўлиши мумкин. Хаби — ажойиб мураббий. «Байер»да совринлар ютди, жамоани юқори савияда бошқарди. Аммо "Реал"да сен мураббий эмас, кўпроқ менежер бўлишинг керак. Сен кийиниш хонасидаги юлдузларнинг «эго»сини (манманлигини) бошқара олишинг лозим.
У ерда тактика устида кўп ишлаш шарт эмас, чунки ихтиёрингда ўйин тақдирини бир сонияда ҳал қила оладиган суперюлдузлар бор. Шунинг учун ҳам, Хаби кучли тактик бўлишига қарамай, бу "Мадрид"да иш бермади, — деди Бэйл.
