Quyida ana shu suhbatni o'qishingiz mumkin.

- Shuhrat Tojiboev va sizni Xitoyga kim taklif qildi?
- Terma jamoamizning sobiq bosh murabbiyi Xose Mariya Mendezning do'sti shu jamoada bosh murabbiy ekan. Aynan Mendez orqali xitoylik agent bizni taklif qildi. Xitoyliklar “Ardus” bilan muzokaralar olib borishganidan keyin bu erga o'tdim.

- Bosh murabbiy kim?
- Braziliyalik murabbiy, ismi Joao. To'liq ismini hozircha bilmayman.

- Sizlardan boshqa yana legioner bormi?
- Tyago ismli braziliyalik legioner bor, Osiyodan esa men bilan Shuhrat aka. Bu klub yangi tuzilgan ekan, bu mavsum birinchisi bo'ladi.

- Til masalasichi, tarjimon bormi?
- Rus tilida gapiradigan tarjimon bor.

- Xitoyda chempionat qachondan boshlanadi?
- Keyingi oydan start beriladi.

- Qancha muddatga shartnoma tuzdingiz?
- Ikkalamiz ham 9 oylik shartnomaga imzo chekdik. Men ijara asosida o'ynayapman, Shuhrat aka esa klubning to'laqonli azosilar.

- Mashg'ulotlar qay tarzda o'tmoqda?
- O'tgan hafta bir mahaldan shug'ullangan edik, bugundan esa ikki mahalga ko'chirildi.

- Yaqinda bo'lib o'tgan klublar o'rtasidagi OCHning guruh bellashuvlarida Toshkentning “Lokomotiv” klubini 6:2 hisobida mag'lubiyatga uchratgan "Shenjen Nanling Tielang" jamoasi bilan o'rtoqlik o'yini o'tkazibsizlar, qanday natija qayd etildi?
- Haqiqatdan ham o'sha jamoa bilan o'rtoqlik o'yini o'tkazildi, lekin unda men yo'q edim. Shuhrat aka ishtirok etganlar o'sha uchrashuvda va 3:10 hisobida imkoniyatni boy berishgan.

- Klub oldiga qanday vazifa qo'yilgan?
- Bizni jamoa yangi, shunga qaramay uchtalikka kirishimiz kerak.

Tolibjon Qosimov suhbatlashdi

Futzal. Dilshod Raxmatov: “Bizni Xose Mariya Mendez orqali Xitoyga taklif qilishdi”