Евгений Валицкий 1929 йил 15 январь куни Тошкентда туғилган. Валицкий 1947-1954 йилларда Тошкентнинг "Труд" ва "Спартак" жамоалари сафида тўп тепган. Шунингдек, 1955-1957 йилларда Тошкентнинг "Крилья Советов" ва "Буревестник" жамоаларида ҳам ўйнаган.
Футболчилик фаолияти билан бир қаторда, у СССР, Ўзбекистон ва Россия жамоаларида мураббий бўлиб ишлаган. Бундан ташқари, Ўзбекистонинг бир қатор жамоалари: "Андижон", "Нефтчи", "Пахтакор", "Навбаҳор", "Дўстлик" ва "Металлург"да фаолият олиб борган.
1962 йил Тошкентнинг "Сокол" жамоаси билан Жисмоний тарбия жамоалари ўртасида СССР Кубоги, 1963 йил Умид Кубогини қўлга киритган ва Иккинчи лига минтақавий турнирида 5 марта ғолиб бўлган.
Бугун Ўзбекистон футбол ассоциациясида Евгений Валицкий шарафига тадбир ташкил этилди. Унда ЎФА раҳбарияти, фахрий футболчилар ва мураббийлар сўзга чиқиб Евгений Валицкий фаолиятини эсга олишди ва унинг фидойилиги, садоқатини юксак эътироф этдилар.
Тадбир якунида Евгиний Валитскийга миннатдорчилик рамзи сифатида эсдалик совғалари топширилди.
