Klub bayonotida mutaxassisga qilgan ishlari uchun minnatdorchilik bildirilgan va kelgusida muvaffaqiyatlar tilagan. 68 yoshli Fotih Terim murabbiylik faoliyati davomida to'rtinchi marta "Galatasaroy"ni tark etdi. U jamoa bilan birgalikda sakkiz marta Turkiya chempioni bo'ldi, uch marta mamlakat kubogi va besh marta Superkubogini qo'lga kiritdi. 1999/00 yilgi mavsumda "Galatasaroy" uning qo'l ostida UEFA kubogini qo'lga kiritdi.
Ushbu mavsumda klub Turkiya Superligasida atigi 12-o'rinda bormoqda. Shu bilan birga, jamoa Yevropa ligasida o'z guruhida birinchi o'rinni egalladi.
