Қарор 15 март куни бўлиб ўтадиган президентлик сайловлари натижасига боғлиқ бўлади.
Германиялик мутахассис ўзини амалдаги президент Жоан Лапорта жамоасининг бир қисми деб ҳисоблайди. Флик Лапорта қайта сайланган тақдирдагина янги шартнома имзолашга тайёр. 1 июлгача эса битимни узайтириш бўйича ҳеч қандай чора кўрилмайди.
Қайд этилишича, президентликка номзодлардан бири Виктор Фонт сайловларда ғалаба қозонган тақдирда Фликни клубда сақлаб қолиш истагини билдирган.
Флик "Барселона"ни 2024 йилнинг май ойидан буён бошқариб келмоқда. Унинг қўл остидаги биринчи мавсумда жамоа Испания чемпионати, кубоги ва Суперкубогида ғолиб чиқди.
